ايه ده بنت يا مديحه ايه اللي انتي عاملاه في نفسك ده
مديحه
ما هانش عليا انك تنام من غير عشا او تاكل ساندوتش جبنه وكده والسلام جبتلك كباب وكفته بس عايزه منك طلب
الاب
ده انتي تؤمري ده انا اعملك كل اللي انتي عايزاه كباب مره واحده ربنا يخليك يا حبيبتي عايزه ايه وانا اعمله ليكي
مديحه
هو الكلام هيكون دلوقتي كده يا بابا اقعد كل واعمل كل اللي نفسك فيه وبعد كده نبقى نتكلم
الاب
الله كباب ده انا بقالي كتير قوي يا بنتي ما اكلتش الاكل ده وبعدها فضلت تبص على ابوها وهو بياكل وتفتكر ايه اللي حصل زمان
#فلاش باك
مديحه قاعده عامله تعيط
مديحه
يا بابا حرام عليك انت عارف هو اكبر مني بكم سنه انا مش موافقه اتجوز اللي اسمه توفيق ده
الاب
اخرسي يا بنت قطع لسانك هو انا عندي بنات تقول عايزه ايه ومش عايزه ايه انا خلاص قريت معاه الفاتحه والجواز الاسبوع الجاي
مديحه
هو انت ليه بتعمل فيا كده انا مستعد اشتغل واديك كل الفلوس ومش هتكلم معاك في اي حاجه ثانيه والله بس بجد مش موافقه اتجوز راجل قد ابويا
الاب
وانا اديت كلمه للراجل ولا يمكن اطلع عيل فيها والجواز هيكون الاسبوع الجاي وخدي ال 2000 جنيه دول انزلي هاتيلك شويه لبس كده
مديحه
وانا مش هعمل اللي انت عايزه ولو فكرت انك تجوزني انا هقتل نفسي انت سامع ولا لا
الاب وهو بيفتح شنط الاكل
اضغط 4
